Gengið í hringi í NY

Það er óhætt að segja að ég sé komin með góðann hálsríg eftir að hafa labbað  í hringi í einn dag í New York. Dásamlegt engu að síður. Var samt hundveik sem setti samt babb í bátinn, en ekkert sem ekki er hægt að drepa með þrjósku og bjartsýni. Farin að jafna mig núna og hlakka óneitanlega til að komast í hlýjuna og sólina.

Áttum ágætis dag í gær þar sem við byrjuðum á því að labba New York á enda að leita að diner sem hvergi fannst og við skildum ekki neitt í neinu þar sem þessar elskur ætti að vera allstaðar og enduðum á að gefast upp.
Eftir að hafa verslað nauðsynjar fyrir ferðalagið langa og fundið bari og týnt þeim, gengið í hringi og allt það fórum við í afmælismat til frænda míns og fjölskyldu (bróðir Ann sem við gistum hjá) og áttum þar bráðskemmtilega kvöldstund og var gaman að komast inní svona heimahússtemmingu og kynnast öðru en túristahliðinni hérna.

Egg og beikon kallar.

-Big D

Fyrsta stopp New York CITY!

Ég ætla að reyna eftir bestu getu (og internet-tengingum) að blogga um lífið og tilverunni í bakpokanum. Erum auðvitað á seinustu stundu að klára allt, gera og græja, pakka í tösku og pakka í kassa og kveðja vini og vandamenn.

Það er óhætt að segja að ég sé töluvert spenntari heldur en meistari Valberg, búin að ganga um með glottið allann hringinn seinustu vikur og brjótast reglulega út í dans og láta einsog vitleysingur.

Annars er þetta gróflega ferðaplanið:

Keflavík-New York

• Þar munum við gista hjá Ann frænku næstu 3 næturnar og hafa það ljúft, versla sem þarf að versla fyrir herlegheitin, kíkja aðeins á New York og ég mun af öllum líkindum fullkomlega tjúllast af gleði og fá grimmasta hálsríg sem sögur fara af við að reyna að sjá allt.

New York-Toronto

• Stutt stopp í Toronto þar sem planið er að kíkja á Niagra Falls en annars ágætis plan B að röllta um Toronto. Lendum snemma um morgun og förum seint um kvöld.

Toronto-Santiago Chile

• Fyrsti áfangastaðurinn í Suður Ameríku verður Santiago.

Þar sem við höfum lítið planað nema hvaða landa við heimsækjum og því get ég ekki gefið upp neitt miklar ferðaupplýsingar enn sem komið er. En eftirfarandi lönd ætlum við að heimsækja:

• Chile
• Bolivia
• Perú
• Ecuador
• Colombia

En sem komið er höfum við planað sirka "give-or-take" 3 vikur í hverju landi. Við eigum enn eftir að kaupa flugmiða frá Colombiu til New York en það er allt á næsta 3ja daga planinu.

Heim munum við svo fljúga frá New York til Íslands þann 11. maí.

Eins gott að það verði komið blússandi vor þegar við komum.